2022 ޖޫން 19 އިން 2022 ޖޫން 23 ގެ ނިޔަލަށް ޖުވެނައިލް ޖަސްޓިސް ޔުނިޓުން އިންތިޒާމްކޮށް ކުރިޔަށް ގެންދިޔަ ''ޖުވެނައިލް ޖަސްޓިސް ޓްރެއިނިންގ'' ޕްރޮގްރާމުގައި ޖުވެނައިލް ކޯޓުގެ ފެސިލިޓޭޓަރުންގެ ބައިވެރިވެވަޑައިގެން ތަމްރީނު ދެއްވައިފިއެވެ. މި ތަމްރީނު ޕްރޮގްރާމުގައި ކޯޓުގެ ފަރާތުން ސެޝަންތައް ނަންގަވައިދެއްވީ ލީގަލް އޮފިސަރ އަލްއުސްތާޛާ ޙަޝްމާ ޙަސަން އަދި ޕްރޮބޭޝަން އޮފިސަރ ނާއިލާ ރަޝީދެވެ. މިޕްރޮގްރާމްއަކީ، އައްޑޫ ސިޓީ އާއި ފުވައްމުލައް ސިޓީގެ ކުޑަކުދިންގެ ޢަދުލުގެ ނިޒާމުގެ ދާއިރާގައި މަސައްކަތް ކުރައްވާ ފަރާތްތަކަށް އަމާޒުކުރައްވައިގެން ކުރިއަށް ގެންދެވި ޕްރޮގްރާމެކެވެ. އެގޮތުން، މި ޓްރެއިނިންގ ޕްރޮގްރާމުގައި ފުލުހުންނާއި މެޖިސްޓްރޭޓް ކޯޓާއި ޕްރޮސެކިއުޓަރ ޖެނެރަލްގެ އޮފީހުގެ އިތުރުން ފުވައްމުލަކު ޑިޓޮކްސިފިކޭޝަން ސެންޓަރުގެ ބޭފުޅުން ބައިވެރިކުރެވިފައި ވެއެވެ. އެމުއައްސަސާތަކުން ޖުމުލަ 29 ބޭފުޅުން މި ބުރުގައި ތަމްރީނު ފުރިހަމަކުރެއްވިއެވެ. މިއީ ކުޑަކުދިންގެ އަދުލުގެ ނިޒާމުގައި ހިމެނޭ މުއައްސަސާތަކުގައި މަސައްކަތް ކުރާ، މުވައްޒަފުންނާއި ކުޑަކުދިންގެ މައްސަލަތަކުގައި ގޮތް ނިންމާ ފަރާތްތަކުގެ އިތުރުން ކުޑަކުދިންނާ މުޢާމަލާތްކުރާ ފަރާތްތަކުގެ މައްޗަށް ފުރިހަމަ ކުރުމަށް ޤާނޫނު ނަމްބަރު 18/2019 ކުޑަކުދިންގެ އަދުލުގެ ގާނޫނުން ލާޒިމް ކޮށްފައިވާ ޓްރެއިނިން އެކެވެ.