ރަމަޟާން މަހުގެ 20 ވަނަ ދުވަހުން ފެށިގެން ރަމަޟާން މަހުގެ ނިޔަލަށް މިހިނގާ ދުވަސްތަކަކީ ރަސްމީ ބަންދު ދުވަސްތަކެއްގެ ގޮތުގައި ސަރުކާރުން ކަނޑައަޅުއްވާފައިވުމާއެކު، ތިރީގައި މިދަންނަވާ ޚިދުމަތްތައް މިމުއްދަތުގައި، ވަކި އިންތިޒާމެއްގެ ދަށުން މިކޯޓުން ފޯރުކޮށްދިނުމަށް ވަނީ ނިންމާފައެވެ.
1. ތަހުޤީޤު މަރަހަލާގައި ނެރެންޖެހޭ އަމުރުތައް ނެރުން.
2. ކުށުގެ ތުހުމަތުގައި ހައްޔަރުކުރެވޭ ކުދިންގެ ބަންދާމެދު ގޮތެއް ނިންމުމަށް ބޭއްވޭ މަޖިލީސްތައް.
3. ޝަރީޢަތްތަކާއި ގުޅިގެން ބަންދުގައި ތިބޭ ކުދިންގެ ބަންދު މުރާޖަޢާކުރުމަށް ބޭއްވޭ މަޖިލީސްތައް.
މިމުއްދަތުގައި މުވައްޒަފުން އާންމު އުސޫލުން އޮފީހަށް ހާޒިރުވާން ނުޖެހޭގޮތަށް ވަނީ ހަމަޖައްސާފައެވެ. އަދި މިގޮތަށް މި އިންތިޒާމް ހަމަޖެއްސުމުގައި ވީހާވެސް މަދު ދުވަސްތަކެއްގައި ވީހާވެސް މަދު އަދަދެއްގެ މުވައްޒަފުން ނެރެގެން ޚިދުމަތްތައް ދިނުމަށް އިސްކަން ދެވޭނެއެވެ. މި ބީދައިން ކޯޓުގެ މުވައްޒަފުން މި ދުވަސްތަކުގައި އޮފީހަށް ހާޒިރުވެ ކުރާ މަސައްކަތަށް، ރަސްމީ ބަންދު ދުވަސްތަކުގައި ކުރާ މަސައްކަތަށް ދޭ ނިސްބަތުން އިތުރު ގަޑީގެ ފައިސާ ދިނުމަށް ވަނީ ހަމަޖެހިފައެވެ.